Holdap: 4 sugatan

MANILA, Philippines - Kapwa kritikal ang isang pulis at isang holdaper ha­bang sugatan naman ang dalawang kababaihan sa isang holdapan na naganap kamakalawa sa Malabon City.

Inoobserbahan sa Paga­mutan Lungsod ng Malabon sanhi ng tama ng bala sa tiyan ang suspek na si Joseph Fran­cisco, habang nakatakas ang kasama nitong si Ferdi­nand Mark Avila.

Ginagamot naman sa Chinese General Hosital si PO1 Rugene Paule ng Mala­bon City Police sanhi ng tama ng bala sa kaliwang singit. Sugatan din sa insidente sina Ma. Luisa Clemente at Car­melita Lisundra.

Naganap ang insidente dakong alas-3:32 ng hapon habang naglalakad sa Pam­pano St., Brgy. Longos si Cle­mente nang lapitan at holda­pin ng mga suspek.

Hindi ibini­gay ni Clemente ang suot na gold bracelet na naging dahi­lan upang barilin ito ni Francisco. Napadaan na­ man si Paule sakay ng mo­tor­siklo na agad na rumes­ponde at nakipag­barilan sa mga sus­pek. Na­hagip ng ligaw na bala si Lisundra. (Lordeth Bonilla)