Solvent boy nalunod sa golf course

MANILA, Philippines - Hinihinalang dahil sa lango sa pagsinghot ng rugby o solvent ang isang 20-anyos na lalaki kaya ito nalunod nang maligo ng hubo’t-hubad sa lagoon ng golf course ng Intramuros, Maynila, kahapon ng umaga.

Ayon sa report, nakikita lamang umano ma­dalas ang di kilalang biktima sa paligid ng Intramuros na sumisinghot ng rugby at namu­mulot ng golf balls, na inilarawan lamang sa edad na 20-anyos, may taas na 5’3 talampakan.

Sa ulat ni Det. Danilo Vidad ng Manila Police District -Homicide Section, dakong alas-5:15 ng umaga nang madiskubre ng mga trabahador ng golf course ang nalunod na bangkay. (Ludy Bermudo)