Barkers sa Edsa itataboy ng MMDA

MANILA, Philippines - Nagbabala ang Traffic Enforcement Group ng Metropolitan Manila Development Authority (MMDA) sa mga pasaway na barkers sa kahabaan ng EDSA na ka­nilang aarestuhin ang mga ito dahil sa nagiging sanhi ng matinding trapiko dahil sa ginagawang iligal terminal ang ilang bahagi ng natu­rang highway.

Ito’y makaraang ares­tuhin ng MMDA-TEG ang mga barker na sina Luisito Dael, 42, at kapatid nitong si Ave­lino, 20, kahapon ng umaga sa isinagawang ope­rasyon laban sa mga kolo­rum na FX vans sa harap ng MRT Que­zon Avenue Station sa Que­zon City. 

Naaktuhan ang mga ito na nagtatawag ng mga pa­sa­hero sa naturang lugar na nagiging sanhi ng pag­sisikip ng daloy ng tra­piko.

Sinampahan na ang mag­kapatid ng kasong pagla­bag sa Section 107 ng Que­zon City Ordinance 3730 o mas kilala bilang “Anti-Barker law”.

Bukod sa Quezon Ave­nue, nabatid naman na tala­mak rin ang paghahari-harian ng mga sigang barker sa may EDSA-Monumento sa Caloocan City at Ka­muning MRT-EDSA station na sinasabing may mga kasabwat na enforcer rin ng MMDA. (Danilo Garcia)