Binahang lugar sa Barangay Bagong Silangan, Quezon City gagawing isang garden

MANILA, Philippines - Isa na namang hardin ang itatayo sa Quezon City, nga­yon ay doon naman sa flood-prone area na tinatawag na Ever­ green sa Brgy. Bagong Silangan.

Inatasan ni Mayor Feli­ciano Belmonte Jr. si Dept. of Public Order and Safety (DPOS) head Manuel Sa­balza na gawing halamanan ang binabahang lugar sa Bagong Silangan.

Ayon kay Belmonte, wala na dapat malagay sa panga­nib na gaya noong marami ang naging biktima sa Bagong Silangan na nasalanta ng bagyong Ondoy. “Let’s trans­form the area into a garden. Wala dapat na bahay na itatayo o makikita rito.Dapat puno at halaman ang makikita rito,” ani Belmonte sa isina­gawang regular executive staff meeting sa Bulwagang Amoranto.

Ang Bagong Silangan na dinadaanan ng creek pa­puntang Marikina River ay isa sa mga barangay sa Quezon City na malubhang napinsala ng bagyong Ondoy, na kumitil ng maraming buhay at sumira sa milyong pisong ari-arian. Umaabot sa 1,000 resi­dente ng lugar ang inilikas noong kasagsagan ng flash flood na sanhi ng bagyong Ondoy.

Ayon kay Sabalza, ang flood-prone area ng Bagong Silangan ay maaaring ma­ging bagong Payatas na ngayon ay isa na sa tourist destination sa lungsod matapos ang trahedya ng pagguho ng tambak na ba­sura may ilang taon na ang nakalilipas.

Bukod dito, hiniling din ni Mayor Belmonte kay City Engineering Chief Joselito Cabungcal na madaliin ang pagkukumpuni sa mga na­sirang imprastraktura dahil sa bagyo, tulad ng school build­ing, health centers at kal­sada.

Naglaan ang pama­hala­­ang lungsod ng P500 milyon para sa relief ope­rations sa humigit-kumu­lang na 50,000 biktima ng flash floods at sa rehabili­tas­­yon ng mga nasira ng bagyo.