SANGKOT DIN SA DACER-CORBITO CASE:1 pang ex police ipinapa extradite

MANILA, Philippines - Hiniling ng National Bureau of Inves­tigation (NBI) sa Department of Justice (DOJ) na ipa-extradite ang isa pa sa akusado sa Dacer-Corbito double mur­ der case na si dating Chief Insp. Vicente “Boy” Arnado, na nasa Estados Unidos.

Ayon kay Regional Director lawyer Ricardo Diaz, hepe ng NBI Anti-Ter­rorism Division (ATD), si Arnado umano ayon sa ulat, ay nagtatago sa California at namataan din umano noong naka­lipas na mga taon sa Hawaii.

Umaasa ang NBI na masimulan na ng DOJ ang extradition laban kay Arnado dahil isa ito sa akusado na da­ting miyembro ng nabuwag na Presi­dential Anti-Organized Crime Task Force (PAOCTF). Hindi rin umano mahi­hirapang hanapin si Arnado kung may extradition request na laban sa kanya dahil hihingin nila ang tulong ng counter­parts sa US.

Inaasahang dadalhin nila sa pag­dinig sa sala ni Judge Myra V. Garcia-Fernandez, ng Manila RTC Branch 18, sa Nobyembre 11 si dating Supt. Glenn Dumlao, para tumestigo, matapos itong alisin na sa pagiging akusado sa Dacer-Corbito case noong Setyembre lamang.

Si Dumlao ay naka-kustodiya pa rin sa NBI detention room simula pa nang siya ay na-extradite at umuwi sa bansa noong Hulyo 26, 2009.

Nabatid na si Mancao ay nailipat na sa DOJ-Witness Protection Program safehouse matapos siyang magpasok ng not guilty plea sa arraignment noong Hunyo 30. (Ludy Bermudo)