Parking boy tiklo sa tangkang panggagahasa

MANILA, Philippines - Dahil sa amoy pawis, na­kaligtas sa kamay ng man­yakis na parking boy ang isang 19-anyos na da­laga ma­tapos na dalhin ang una sa isang apartelle para ga­hasain kahapon ng mada­ling-araw sa lungsod Quezon.

Ito ang nabatid maka­raang personal na mag­tungo sa himpilan ng Que­zon City Police District- Station 10 ang biktimang iti­ nago sa pangalang Angel, ng Rodriguez, Rizal para humingi ng tulong laban sa suspek na si Crizen Gam­boa, 26, binata ng Rd. 10, Lot 15, Area 6, Edsa.

Ayon sa biktima, nang­yari ang insidente nang hu­mingi siya ng tulong sa sus­pek para magpa-charge ng cellphone battery.

Nagkusa naman ang suspek at inalok ang bik­tima na sumama sa kanya sa Season apartelle sa Sct. Delgado St., Barangay Laging sa Quezon City upang doon mag-charge ng kanyang cell phone.

Pagpasok sa loob ay bigla na lamang umanong tinakot ng suspek ang bik­tima sabay puwersang paghubarin siya ng damit at paghahalikan.

Sinabi ng biktima na, nang magawi ang halik ng suspek sa kanyang kase­la­nan, nilansi niya ito at pi­na­kiusapan na pupunta muna siya sa banyo para huga­san ito dahil amoy pawis siya.

Pumayag naman ang suspek ngunit pagtayo ng biktima ay agad nitong bi­nuk­san ang pinto ng ku­warto saka mabilis na tumakbo papalayo hang­gang sa hu­mingi ng tulong sa barangay tanod. (Ricky Tulipat)