Pulisya bigo sa Alvin Flores Gang

MANILA, Philippines - Matapos ipagmalaki na kilala na nila ang mga miyembro ng grupong nanloob ng Greenbelt 5 sa Makati City, bigo pa rin ang National Capital Region Police Office na maaresto ang mga ito isang linggo makaraan ang marahas na panloloob.

Sinabi ni NCRPO spokesman Supt. Rommel Miranda na nakatutok pa rin sila sa “operational aspect” ng imbestigasyon kung saan patuloy pang hinihimay ang iba’t ibang anggulo ng kaso.

Tumanggi rin ang opisyal na ihayag kung kailan madadakip ang mga miyembro ng Alvin Flores robbery gang na siyang nasa likod hindi lang ng panloloob sa Greenbelt ngunit maging sa iba’t ibang esta­ blisi­miyento sa Metro Manila mula pa noong nakaraang taon.

Sa kabila nito, tumututok rin naman ang NCRPO sa pagpapalakas ng kanilang “surveillance system” sa Metro Manila. (Danilo Garcia)