Nangulila sa anak, ina nagbigti

MANILA, Philippines - Dahil sa sobrang pangu­ngulila sa mga anak, isang 25-anyos na ina ang nag­pa­­ka­matay sa pamamagitan ng pagbibigti sa loob ng kani­yang bahay, sa Sampaloc, Maynila, kahapon ng umaga.

Hindi na umabot pang buhay sa Perpetual Succor Hospital si Ronaliza Ingalia, ng S.H. Loyola St., Sam­pa­loc, Maynila

Sa ulat ni Det. Richard Lum­bad ng Manila Police Dis­­trict (MPD)-Homicide Section, dakong alas-9:20 ng umaga nang madiskubre ni Michael De Vera, helper sa ka­rinderya, na nakabigti at wala ng buhay ang biktima kaya agad ipinaalam sa live-in partner nito ang insidente.

Agad namang kinalagan ni Himaya Reyes, 27, kinaka­samang tomboy ng biktima, ang nakabitin pang biktima at isinugod sa ospital subalit hindi na umabot ng buhay.

Una nang nagtangka ang biktimang magpakamatay dahil sa problema nito kung pa­ano makukuha ang 7 at 9- an­yos na mga anak sa kan­yang dating live-in partner na ama ng mga anak. (Ludy Bermudo)