2 bagets na holdaper, tiklo

MANILA, Philippines - Dalawang holdaper ang naaresto ng mga awtoridad ilang minuto makaraang bikti­mahin ang isang negosyan­teng Indian national sa lung­sod Quezon.

Kinilala ni Chief Supt. Elmo San Diego, director ng Que­zon City Police District (QCPD) ang mga suspek na sina Marvin Pancho de Guzman, 19; at Macmac Tumpang Pablo, 19. Ayon kay San Diego, na­dakip ang mga sus­pek maka­raang holdapin ng mga ito ang biktimang si Baldev Singh, 36, ng Basilio St., Sampaloc, Manila.

Nangyari ang insidente sa   Brgy. N.S. Amoranto sa La Loma, ganap na alas-5 ng hapon. Sinasabing sakay ng isang Honda XRM-125 motor­­cycle (4472-FF), ang biktima nang harangin ito ng tatlong kalalakihan at holdapin.

Matapos nito agad na si­namsam ng mga suspek ang dalang P4,000, Nokia cellular phone ng biktima, kung saan hindi pa nasiyahan ay tina­ngay pa ng mga ito ang motor­siklo na siyang ginamit nilang get-away.

Kasalukuyan namang nag­papatrulya ang Mobile Patrol Unit QC-134, sa na­sabing barangay at nakita ang isang lalaking humaha­ngos na humihingi ng tulong ka­­ugnay sa naganap na pang­­ho­holdap, dahilan upang saklo­lohan nila ito.

Nagkaroon ng maikling habulan, hanggang sa ma­korner ang mga suspek sa Roose­velt Avenue corner Dangay Street, Project 7 at ma­aresto ang dalawa sa mga suspek, habang ang nagsil­bing driver ng mga ito ay naka­takas.

Nasamsam sa kanila ang isang kalibre 38 baril at pa­talim, ngunit ang motorsiklo at pera ng biktima ay nata­ngay ng isa sa mga suspek. (Ricky Tulipat)