High school student nagbigti

MANILA, Philippines - Isang binatilyo ang nasawi matapos na magpatiwakal sa pamamagitan ng pagbigti sa sarili dahil sa umano’y sob­rang depresyon sa kanyang pag-aaral sa lungsod Quezon, iniulat kahapon. Si John Paul Serrano, 16, 4th year high school ng Ba­lingasa St., Brgy. Balingasa sa lungsod ay natagpuan ng kan­yang tatay na si Carlos Serrano na naka­bitin sa ka­nilang taha­nan gamit ang sinturon.

Ayon sa ulat, may natag­pu­ang suicide note sa tabi ng biktima, kung saan nagpapa­salamat siya sa kanyang mga magulang sa ginawang pag­pa­palaki sa kanya, maging sa kanyang guro sa matiyagang pagtuturo, at isang Irene na nag­papalaala dito na sana ay maging masaya ito kapag wala na siya.

Binanggit pa ng pulisya na masyadong na-depress ang bata sa kanyang pag-aaral dahil kahit pumapasok ito sa klase ay hindi naman tuma­tatak sa isi­pan nito ang mga aralin na ibini­bigay ng kan­yang mga guro.

Bukod umano dito, base sa tatay ng biktima, madalas din umanong napapasama sa trouble sa kanilang paaralan ang anak, ngunit hindi naman daw nila nagagawang pagali­tan ito. (Ricky Tulipat)