DOH nagbabala sa mga recycled na kendi

MANILA, Philippines - Nagbabala sa publiko ang Department of Health (DOH) laban sa pagbili ng ‘recycled’ kendi at iba pang kauri nito na ibinebenta ng baratilyo o por kilo dahil sa posibi­lidad na makasama ito ng kalusugan.

Ito ang naging reak­syon ni Health Secretary Francisco Duque III sa na­­paulat na pagre-recycle ng isang junkshop sa Capu­long St., Tondo, Maynila nang santambak na kendi, na sinasabing galing sa mga binahang malls at mga super­market sa pana­nalasa nina Ondoy at Pepeng.

Nabatid sa ulat na ang sinalakay na bodega ng isang junk shop ay puma­pakyaw ng iba’t ibang uri ng kendi mula sa binahang mga tinda­han. Doon umano ito mu­ling nililinis at nire-repack bago ibine­benta por kilo sa murang halaga sa wet market o sidewalk.

 Mas malaki umano ang posibilidad na hindi na ligtas kainin ang mga kendi dahil pawang puti­kan at ilang araw na nalub­lob sa tubig-baha. Kung kontami­nado na umano ng bak­terya at mikrobyo ay po­sibleng makakuha ng sakit tulad ng diarrhea. (Ludy Ber­mudo at Doris Franche)