Rumatrat sa bahay ni Neri, kilala na

MANILA, Philippines - Inilabas na ng pamunuan ng Quezon City Police ang artist sketch ng tatlong kalala­kihang responsable sa pama­maril sa tahanan ni Social Security System President Romulo Neri kamakailan sa nasabing lungsod.

Ayon kay Chief Insp. Ben­jamin Elenzano, hepe ng homi­cide section ng QCPD,   nabuo ito base sa testimonya ng mga pangunahing testigo na naka­salamuha ng mga suspek bago pa maganap ang pamamaril sa tahanan ng nasabing kalihim.

Partikular anya dito, ang mga driver ng dalawang Hyun­dai van na ginamit ng mga suspek na get away car bago planuhin ang nasabing krimen.

Nauna rito, sinabi ng pu­lisya na ang driver ng sinak­yang van ng mga suspek ang pangunahing susi para ma­tukoy ang utak sa krimen kaya naman, ayon kay Elenzano, magiging matibay ang ka­nilang pagsisiyasat lalo ngayon hawak na nila ang mga ito.

Sabado ng lumutang sa tanggapan ng Criminal Inves­tigation and Detective Unit ng QCPD sa Camp Karingal ang isang driver ng Hyundai na ginamit ng mga suspek kung saan inamin nito na inagaw sa kanya   ng grupo ang mi­ na­ma­nehong sasakyan ma­tapos na kunwaring arkilahin patungo sa Maynila, ngunit pagsapit sa La Loma, Que­zon City ay bigla na lang siyang tinutukan ng baril at piniringan ang mga mata saka itinali ang mga kamay at dinala sa isang safehouse sa Pampanga.

Kasunod nito, ang isang driver din ng Hyundai na su­muko din sa nasabing himpi­lan na nagsabing pinara siya ng mga suspek sa Bacolor Pam­panga at tulad ng unang driver ay piniringan din ang mga mata nito at itinali ang mga kamay saka dinala sa isang safe­house. 

Matapos ang isang oras ay binalikan siya at isinakay sa isang sasakyan saka dinala sa Guagua Pampanga kung saan siya iniwan ng mga suspek.

Ayon pa kay Elenzano, na­batid lamang ng mga natu­rang driver na ginamit sa in­sidente ng pamamaril ang ka­nilang sasak­yan nang ma­basa nila ito sa mga paha­yagan kung kaya kusa na rin silang nagtungo sa nasabing himpilan.

Dagdag ng opisyal, pa­wang magkakaibang safe­house ang pinagdalhan sa mga driver dahil halos hindi tugma ang deskrip­syon ng mga ito sa nasabing lugar.

Sinasabing isa sa mga sus­pek na nagpakilalang alyas Robert Ramo ang sina­sabing nagrenta ng bahay para gawing pansamantalang tirahan ng mga ito kung saan nagbigay ito ng downpayment na halagang P105,000.

Una ng inatake ng mga di kilalang suspek ang bahay ni Neri sa #28 Palani St., Brgy. Sienna, Sta. Mesa Heights, nang paulanan ito ng bala, masuwerte namang walang nasaktan sa insidente.

Kasunod nito, binigyan naman ng karagradang pulis ng QCPD ang tahanan ni Neri para sa security nito.