11 pang bangkay nakuha sa Metro Manila

MANILA, PHilippines - Hanggang kahapon ay pa­tuloy pa ring nakakareko­ber ng mga bangkay sa iba’t ibang lugar sa Metro Manila na pinani­niwa­laang mga biktima ng bagyong si Ondoy.

Sa Taguig City, walo pang bangkay ng mga hinihinalang biktima ng delubyo ang na­bingwit ng mga awtoridad sa baybayin ng Laguna de Bay magmula kama­kalawa ng gabi.

Dalawa lamang sa walong lumutang na bangkay ang resi­dente ng lungsod habang ang anim ay hinihinalang ga­ling sa ibang lugar at tinangay lamang patungo sa kanilang nasasa­kupan.

Nakilala ang isa sa mga bik­tima na si John Mark Bauaoro, 15-anyos, na iniulat na tina­ngay ng ilog sa Brgy. Lower Bi­cutan ha­bang kasag­sagan ng bag­yong Ondoy samanta­ lang hindi pa kilala ang ba­tang ba­bae na nasa pagitan ng apat hang­ gang limang taong gulang.

Sa Maynila, isa pang bang­kay ng babae ang na­bingwit habang nakasabit sa pulumpon ng Water Lilly sa Pasig River na sakop ng Binondo.

Ang biktima ay inilarawang nasa 20-25 ang edad, may taas na 5 hanggang 5’2’’, ma­haba ang buhok at nakasuot ng pu­lang sando at brown na shorts.

Sa Quezon City, dalawa pang bangkay na hinihina­lang nalunod sa paghagupit ng bagyo.

Ayon sa ulat, isa sa mga bik­tima ay nakilalang si Jesus Vi­cente, 80, at isang lalaking isina­larawan sa edad na 20-30, may taas na 5’5’’, baling­kinitan, maikli ang buhok, na­kasuot ng t-shirt na may tatak na “KASBY”, maong na pants at itim na sapatos.

Sinabi pa sa ulat na ang mga nasabing biktima ay ka­bilang sa mga biktima ng mga nalunod kung saan nagtala ang lungsod ng may kabu­uang 32 nasawi.

Si Vicente ay natagpuang bangkay ng kanyang mga ka­anak sa loob mismo ng kan­yang tahanan matapos na ma­lunod makaraang pasukin ito ng tubig- baha noong ka­sag­sa­gan ng pagbuhos ng ulan.

Sina­sabing nag-iisa lamang sa kanyang bahay ang biktima nang mang­yari ang insidente.