4 pang MPD cops inireklamo

MANILA, Philippines - Hindi pa man natata­pos ang kaso ng dala­wang pulis na umaresto sa 13-an­yos na totoy dahil sa curfew kama­ka­ilan, pani­bagong apat na pulis ng Manila Police District (MPD) ang itinuro ng isang estudyante na na­nakot at nanakit sa kanya sa loob mismo ng Gene­ral Assign­ment Section ng MPD Headquarters. Per­sonal na dumu­log sa tanggapan ni Acting Manila Mayor Francisco “Isko” Moreno ang bikti­mang si Larry Bitara, 24, Information Technology student, upang ireklamo ang mga pulis na nakila­lang sina SPO1 Romeo Saa­vedra, PO2 Angelo Buzon, PO2 Re­ginald delos Reyes at isang John Doe na pa­wang nakata­laga sa MPD-GAS. Ayon kay Bitara, ang naturang mga pulis ang nanakot, nanakal, nam­bug­bog, pumalo ng blot­ter sa kanyang ulo at ku­muha ng kanyang P7,000 na pangmatrikula. Una rito, sinabi ni Bi­tara na binugbog at si­nak­tan din siya ng ina at ka­patid ng kanyang school­mate na si Gerry Ranoa. Sina Bitara at Ranoa ay kapwa kasapi ng Unlimited Net­work Opportunity. Setyembre 2, dakong alas-11 ng umaga nang su­gurin si Bitara ng na­nay at ka­patid ni Ranoa kung saan pinagsa­sam­pal siya at sinuntok. Bagama’t duma­ra­ing sa sakit ng katawan, patuloy siyang kina­ladkad ng ina at kapatid ni Ranoa pa­tungo sa pulisya. Sinabi pa ni Bitara na hindi pa rito natapos ang kanyang kalbaryo dahil mga pulis naman umano ang na­na­kot at nanakit sa kanya. (Doris Franche)