Intelligence officer tiklo sa paniniktik

MANILA, Philippines - Isa umanong intel­ligence officer ng Philip­pine Marines ang ina­resto kahapon ng umaga dahil sa umano’y paninik­tik sa tahanan ni National Artist for Literature Bien­venido Lumbera.

Sa ulat, nakilala ang suspek base sa identifi­cation card na si Cpl. Hannibal Guerrero, 27, enlisted AFP intelligence personnel ng Armed Forces of the Philippines (AFP), habang nakata­kas naman ang dalawa sa mga kasamahan nito.

Ayon sa ulat, ganap na alas-6 ng umaga nang mangyari ang insidente nang mapuna ng mga maids ni Lumbera ang tat­­long kalalakihan ha­bang nililitratuhan ang kanyang tahanan sa Ma­payapa 1 Subd., Brgy. Holy Spirit, Quezon City.

Dahil dito, nagpasya si Lumbera na tumawag ng security guard sa vil­lage na siyang umaresto sa sun­dalo at nakatakbo naman ang dalawang kasamahan nito.

Ikina­kat­wiran umano ng sus­pek sa security na in­tere­sado lang ito sa ba­kan­­teng lote katabi ng ba­hay ni Lumbera kung kaya kinukunan niya ng litrato.

Naalarma rin si Lum­bera sa insidente dahil sa hinalang may kaugnayan ito sa kontrobersiya tung­kol sa pagpili ng Mala­kan­yang bilang national artists. (Ricky Tulipat)