Kelot dinedo dahil sa droga
MANILA, Philippines - Sinasabing onsehan sa droga ang dahilan upang barilin at patayin ang isang lalaki ng kanyang kalugar nang magalit ang huli dahil kulang ang biniling shabu ng una sa Caloocan City kahapon.
Dead-on-the-spot sanhi ng tama ng bala sa ulo si Rodolfo dela Cruz, 43, ng Callejon st., Bagong Barrio ng lungsod na ito. Pinaghahanap naman ng mga pulis ang suspect na nakilalang si Ahno Caralde alyas “Mayor”.
Base sa nakalap na impormasyon ng Caloocan City Police, nabatid na bago naganap ang insidente, inutusan ng suspek ang biktima na bumili ng P2,000 halaga ng shabu.
Halagang P1,000 lang ang binili ng biktima at nang malaman ito ng suspek ay hinanting ito hanggang sa makita sa Panday Pira, Bagong Barrio, dakong alas-11 ng umaga. Walang sabi-sabing binaril ng suspek ang biktima sa ulo na naging dahilan ng agaran nitong kamatayan. (Lordeth Bonilla)
- Latest
- Trending
