Matapos mag-trabaho sa abroad, umuwing OFW nagbigti
MANILA, Philippines - Dahil sa labis na depresyon, isang overseas Filipino worker (OFW) ang nagpakamatay sa pamamagitan ng pagbigti sa sarili sa lungsod Quezon.
Kinilala ang nasawi na si Allan Datuin, 37, binata ng Lot 13, Block 4, Law Science St., Victoria Subdivision, Brgy. Sauyo sa lungsod.
Ayon kay PO3 Randy Bartillo, may-hawak ng kaso, ang biktima ay natagpuan ng kanyang ina na walang buhay na nakabitin sa kisame ng kanilang bahay gamit ang dog chain ganap na alas-2:40 ng hapon.
Sinasabing si Datuin ay dumating sa bansa noong Marso mula sa bansang Sudan kung saan ito nagtrabaho ng ilang taon. Simula umano nang dumating ay naging malulungkutin ang biktima. Ayon pa sa ulat, huling nakitang buhay ang biktima ganap na alas-2:30 ng hapon sa labas ng kanilang bahay.
Patuloy ang imbestigasyon ng awtoridad sa nasabing insidente. (Ricky Tulipat)
- Latest
- Trending
