Sinehan na ginagamit sa prostitusyon, sinalakay

MANILA, Philippines - Isang sinehan na nag­papalabas ng malalas­wang panoorin ang sina­lakay ng pinagsanib ng tropa ng Quezon City hall detachment at Police Station 7 at pinagda­dampot ang may 64 ka­tao kahapon ng hapon.

Ayon sa ulat, ang si­nalakay na establisi­mento ay ang Alta Theater na matatagpuan sa Aurora Blvd., Cubao Quezon City.

Kasabay ng pag-aresto sa mga kalalaki­han nasa loob ng sine­han, tuluyan na ring ipi­nad-lock ito ng pulisya base sa closure order na ipinalabas ni Mayor Sonny Belmonte.

Nag-ugat ang pagsa­lakay bunsod ng rekla­mong natatanggap ng tanggapan ng alkalde kaugnay sa pagpapa­labas ng malalaswang panoorin ng naturang sinehan. Sinasabing ma­linaw na naging pugad ng pros­titusyon ang sinehan dahil halos nanggigitata ang kapaligiran ay ma­sama pa ang amoy sa loob nito.

Nakumpiska rin sa lugar ang mga malalas­wang litrato ng mga ka­ba­baihan at kalalakihan na nakapaskil sa labas ng naturang sinehan. (Ricky Tulipat at Angie dela Cruz)