MANILA, Philippines - Hiniling kahapon ng Metropolitan Manila Development Authority sa Land Transportation Franchising and Regulatory Board na bawiin na ang permit ng mga pampasaherong jeep na bumibiyahe sa kahabaan ng Epifanio delos Santos Avenue upang mapaluwag ang daloy ng trapiko rito.
Nabatid kay MMDA Executive Director Angelito Vergel De Dios na binigyan noon ng LTFRB ng permits ang mga jeep na makaruta sa EDSA habang ginagawa pa ang mga kalsada na regular nilang ruta base sa prangkisa na nakuha nila. Ngunit dahil sa gawa na umano ang mga kalsadang ito, nararapat na hindi na bumiyahe ang mga jeep sa kahabaan ng EDSA. (Danilo Garcia)