Buntis natagpuang patay

MANILA, Philippines - Isang walong-buwang buntis na overseas Filipino worker ang natagpuang walang buhay matapos na mananghalian sa kanilang bahay sa Bagong Silangan, Quezon City, ayon sa ulat ng pulisya kahapon.

Ang biktima na natagpuan na lamang nakahiga sa kan­yang kama at wala nang buhay ay kinilalang si Winda Alcaraz, 25, may-asawa, ng Block 5, L-35 Humanity Village, Bagong Silangan.

Ayon kay Romeo Monte­nolla, barangay tanod sa lugar, pasado alas-6 ng gabi kamakalawa nang ireport sa kanila ang insidente ng ka­anak ng biktima kung saan bumubula umano ang bibig nito nang matagpuang walang buhay. Namatay din ang sang­gol sa sinapupunan nito. (Ricky Tulipat)