Manyak na Israeli ipinatapon ng BI

MANILA, Philippines - Pinatapon palabas ng ban­sa ng Bureau of Immigration (BI) ang isang Israeli national dahil sa pang-aabuso sa mga Pinay kapalit ang pangakong dadalhin ang mga ito sa ibang bansa.

Si Daniel Berner, 37, ay pinatapon palabas ng bansa sakay sa Cathay Pacific pa­tungong Hongkong at Tokyo saka didiretso sa Tel Aviv, Israel matapos itong maaresto noong Hulyo 29 sa loob ng isang res­taurant sa Greenbelt mall sa Makati City ng mga operatiba ng BI Law enforcement division (LED|).

Makikipagkita sana ang suspek sa isang bibiktimahin nito nang isagawa ang entrap­ment operation laban dito ha­bang bitbit ang mission order na inisyu ni Immigration Commis­sioner Marcelino Libanan.

Ayon kay BI-LED acting assistant Epifanio Lambino Jr, ang pagkakaaresto kay Berner ay bunsod sa reklamo ng isa sa maraming naging biktima nito .

Nagpanggapp umano ang suspek bilang isang Canadian kung saan gumagamit din ito ng iba’t ibang alyas upang ma­kapang biktima ng mga Pinay at nakakapanloko sa pama­magitan ng email.

Pinapangakuan umano ng suspek ang mga biktima nito na pakakasalan sila upang maka­punta sila sa Canada at ang kanilang magiging anak kung mabubuntis sila kaya’t hinihi­kayat niya itong makipagtalik sa kanya. Nadiskubre rin ng BI na wanted din sa Japan, Great Britain at Canada si Berner dahil din sa kahalintulad na panlo­loko kaya’t nagpalabas ng US$50,000 reward ang gob­yerno ng Hongkong para sa ikadarakip nito.

Lumalabas sa imbestigas­yon na dumating sa bansa si Berner bilang turista subalit na­diskubre din na peke ang pasa­porte nito. (Gemma Amargo-Garcia)