MANILA, Philippines - Dahil na rin sa paglabag sa batas trapiko kaya kapwa nasawi ang dalawang kalalakihan matapos na bumangga sa bangketa ang sinasakyan nilang motorsiklo dahilan upang tumilapon ang mga mga ito kahapon ng madaling-araw sa Muntinlupa City.
Dead-on-arrival sa Muntinlupa City Medical Center ang mga biktimang sina Philip Zalazar at Eldemar Gabinay, na kapwa nagtamo ng matinding pinsala sa ulo at kani-kanilang katawan.
Sa imbestigasyon ng pulisya, naganap ang insidente dakong alas-2 ng madaling-araw sa kahabaan ng National Road mula sa south patungong north bound, Brgy. Putatan, ng lungsod na ito.
Nabatid na minamaneho ni Zalazar ang isang Yamaha motorcycle (PN-9618) at nakaangkas sa likod nito si Gabinay.
Habang binabagtas ng mga ito ang nabanggit na lugar ay nakitang nag-counterflow ang mga ito at dahil sa mabilis na pag-arangkada ay bumangga sa bangketa hanggang sa kapwa tumilapon at bumagsak sa semento na naging sanhi ng kanilang kama tayan. (Lordeth Bonilla)