Sa pagpatay sa trader sa loob ng sasakyan, Suspek natukoy

MANILA, Philippines - Mayroon nang sus­pek ang pulisya sa brutal na pagpatay sa isang ne­gosyante na nakitang laslas ang leeg at basag ang bungo sa loob ng kan­yang sasakyan no­ong Lunes ng umaga sa Valenzuela City.

Tinutugis ngayon ng pulisya ang suspek na si Lucky Galinea, nasa hus­tong gulang at residente ng Malolos, Bulacan.

Magugunita na noong Lunes, alas-9 ng umaga, nang matagpuan ang bangkay ng biktimang si Antonio Tan Jr., ng Ga­las, Quezon City, sa loob mismo ng Toyota Vios nito na nakaparada sa MacArthur Highway, Brgy. Marulas, Va­len­zuela City.

Nabatid na may utang na P70,000 ang suspek sa biktima at magkasama ang mga ito na gumimik sa Bulacan bago makita ang bangkay ng biktima. (Lordeth Bonilla)