2 parak 'tagilid' sa pinaslang na 2 call center agent

MANILA, Philippines - Posibleng ipatawag ng Manila Police ang dalawang umano’y pulis na kainuman ng security guard na suspek sa pagpatay sa kan­yang bayaw at lover nito, dahil sa kuwestiyu­nableng pagkawala nito sa lugar matapos ma­ganap ang krimen at kung sino ang may-ari ng baril na ginamit ng suspect sa Sta. Mesa, Maynila, kamakalawa.

Sa impormasyon, naka­talaga umano ang isang pulis sa PNP-Camp Crame at ang isa ay sa Mandaluyong Police.

Kabilang sa pinag-aaralan ng pulisya ang M-16 rifle umano na ginamit sa pag­ratrat sa dalawang call center agent at bigla na lamang pagkawala ng dala­wang pulis na kasabay umanong nawala sa lugar nang tumakas na ang suspek na si Noel Saludes alyas ‘Daboy”, 24-anyos, na di­umano’y dating sundalo at kasa­lukuyang secu­rity guard at residente ng Nagtahan, Sta. Mesa.

Nabatid na bago ang pamamaril ng suspect ay nakitang kainuman nito ang dalawang pulis.

Armalite rifle pa ang gi­namit ng suspect sa pag­paslang sa mga biktima at inaalam din kung saan ito galing. (Ludy Bermudo)