Mag-utol na Iranian, timbog

MANILA, Philippines - Bagsak kalaboso ang mag­kapatid na Iranian nationals, isa rito ay nagpanggap umanong ahente ng National Bureau of In­vestigation (NBI), habang ang isa naman ay dahil sa pagma­ma­neho ng walang lisensiya, ka­hapon ng mada­ling-araw, sa Ermita, Maynila.

Kinilala ang mga suspek na sina Khosro, 38; at Aboulgh­sem Davoodi, kapwa nanunu­lu­yan sa #1421 Grand Residence.

Na­batid na unang sinita si Khosro na mabilis umanong ­nagpatakbo ng Suzuki-AUV (ZKA-751) sa ka­ha­baan ng Salas corner Mabini Sts. at na­dis­kubreng walang lisensiya. Tinawagan umano ni Khosro si Aboulghsem at sa pag­harap ay nagpakilalang ahente umano ng NBI ang huli.

Nang iberipika, nadiskubre na hindi NBI agent kaya kapwa sila inaresto para sa pormal na pagsasampa ng kasong reck­less driving at driving without license kay Khosro, habang usur­pation of authority naman kay Aboulgh­sem. (Ludy Bermudo)