Burol ni Cory sa Manila Cathedral: Re-routing sa Intramuros itinakda

MANILA, Philippines - Bilang bahagi ng necrological services para kay dating Pangu­long Corazon Aquino, nagpalabas ng re-routing ang Manila Police District upang mabigyan ng daan ang kanyang labi na ilalagak sa Manila Cathedral sa Intra­muros, Manila sa loob ng tatlong araw mula ngayong umaga.

Sa pagpupulong nina MPD Director Chief Supt. Rodolfo Magtibay, MPD-TEU chief Supt. Rizaldy Yap at kinata­wan ng pamilya Aquino, napagkasunduang si­mula ngayong alas 9 ng umaga ay isasara ang kahabaan ng A. So­riano St. mula Arso­bispo hang­gang So­lana; Magal­ lanes, Ca­bildo at Gen. Luna Sts., mula A. So­riano hang­gang Sta. Potenciana; ka­­habaan ng Sto. Tomas, Beatero, Anda, Real Sts., mula Gen. Luna hang­gang Magallanes.

Eksaktong alas-6:00 ng umaga mula ngayon hanggang Agosto 5 isasara ang kahabaan ng Gen. Luna hang­gang Cabildo.

Dahil dito, pinapayu­han ni Yap ang lahat ng public utility jeep na du­maan sa P. Burgos pa­kanan ng Bonifacio Drive at iikot ng Anda Circle.

Ang mga dadaan naman sa A. Soriano St. ay maaaring dumaan sa Taft Avenue o Bonifacio Drive habang ang mga sasakyang manggaga­ling sa Riverside Drive at Magallanes Drive ay maaaring mag-U turn sa Plaza Espana o Solana para makapunta sa ka­nilang opisina.

Ayon naman kay Mag­tibay, magda­dag­dag pa sila ng mga pulis upang mabigyan ng sapat na seguridad ang pamilya at kamag-anak ni Aquino at ang mga opisyal ng pamahalaan na magbibigay ng pag­damay sa pamilyang naulila.

Sa libing ni Aquino sa Agosto 5, mula sa Intramuros ay daraan ang prusisyon sa Roxas Boulevard, liliko sa South Luzon Expressway, lalabas sa Sucat Exit, daraan sa Sucat Avenue hanggang sa Manila Memorial Park sa Parañaque.