Bulto ng mga armas nasamsam

MANILA, Philippines - Umiskor ang Philippine National Police, matapos masamsam ang bultu-bulto ng mga armas sa isi­na­gawang serye ng ope­rasyon laban sa loose fire­arms sa Central Luzon.

Sa ginanap na press briefing sa Camp Crame, iprinisinta ni PNP Chief Director General Jesus Ver­zosa ang mga nakum­pis­kang may 70 mga armas.

Ayon kay Verzosa ang pagkakakumpiska sa na­turang mga armas na ka­ramihan ay mula sa mga rebeldeng grupo at sindi­katong kriminal ay bahagi ng pinalakas na kampanya ng PNP laban sa nagli­pa­nang mga loose firearms o mga baril na walang mga lisensya.

 Sa tala ng PNP , aabot sa 1.1 milyon ang kabu­uang bilang ng mga loose fire­arms sa bansa na tar­get mabawi ng mga awto­ridad alinsunod sa Execu­tive Order No. 817 na ni­lag­daan ni Pangulong Gloria Macapagal Arroyo.

Samantalang itinakda naman ang amnesty pe­riod para sa mga loose firearms sa ilalim ng Na­tional Firearms Control Program (NFCP) o ang mga baril na hindi naipa-renew ang mga lisensya at mga hindi dokumentado sa buong buwan ng Oktubre ng taong ito.

Kabilang sa naturang mga nasamsam na mga baril ay 5.7mm Japanese heavy machinegun, cal.30 machinegun, M79 gre­nade launcher, AK 47s, M16s, mga rifles, shot­guns at hand-guns na iti­nurn­over ng Police Re­gional Office (PRO) 3 sa NFCP Na­tional Secretariat sa Camp Crame. (Joy Cantos)