Igle­sia ni Cristo magdiriwang ng ika-95 anibersaryo

MANILA, Philippines - Ipagdiriwang ng Igle­sia ni Cristo ang ika-95 ani­­bersaryo nito sa Lunes, Hulyo 27, sa pa­mamagitan ng pagda­raos ng malalaking pag­titipon sa 14 dako sa Pili­pinas at sa limang lugar sa apat na iba pang bansa.

Mula sa Luzon, Visa­yas hanggang sa Minda­nao, inaasahang daan-daang libong delegado ang dadagsa sa bawat itinakdang dako sa 12 rehiyon sa bansa upang ipagdiwang ang “Iglesia ni Cristo Day”. Ang limang oras na pagtitipon ay magsisimula nang 4:30 ng hapon.

Sa Metro Manila, ang mga pagtitipon ay ida­raos sa Araneta Coli­seum sa Cubao, Que­zon City at sa Rizal Memorial Complex sa Maynila.

Sa mga probinsya, ang mga delegadong INC ay magtitipun-tipon sa Butuan City Sports Complex sa Agusan del Norte; Bicol University Sports Complex and Com­ mencement grounds sa Legaspi City, Albay; Cebu Sports Center sa Cebu City; General San­tos City Oval Plaza sa South Cotabato; Davao Agro-Industrial Institute Football Field sa Davao City; Quirino Sta­dium sa Bantay, Ilocos Sur; Cen­tral Integrated Terminal sa Santiago City, Isabela; Ashton Field Subdivision grounds sa Calamba City, Laguna; Panaad Stadium sa Bacolod City, Negros Occidental; Villa del Sol Subdivision-Olongapo-Gapan Road sa San Fernando City, Pam­panga; Narciso Ra­mos Sports Center sa Lingayen, Pangasinan; at Ipil Sports Complex sa Zamboanga City, Zam­boanga-Sibugay.

Ang iba pang mga lokal na kongregasyon ng INC sa Pilipinas na ma­layo sa mga nabang­git na dako, gayundin ang mga nasa ibang mga bansa, ay magka­ karoon din ng pagtitipon sa kani-kaniyang gusa­ling sam­bahan kasabay ng mala­laking pagtitipon.