23 paaralan sa QC, walang pasok sa SONA

MANILA, Philippines - May 23 mga paaralan sa Quezon City ang walang pasok sa araw ng State of the Nation Address (SONA) ni Pangulong Gloria Arroyo sa Lunes Hulyo 27.

Ayon kay Supt. Victoria Fuentes ng QC Division of Schools, partikular na walang klase sa mga paraalan pri­bado man o pampubliko sa ka­ha­baan ng Commonwealth Ave­ nue at IBP road sa Batasan.

Inatasan na rin ni Fuentes ang mga tauhan nito na ala­min pa ang ilang mga pa­aralan sa lungsod na maapek­tuhan ng kilos protesta na isasagawa ng iba’t ibang sektor sa SONA. Una nang nag-abiso ng walang pasok sa lahat ng level ang ilang pri­badong paaralan sa Commonwealth Avenue tulad ng Diliman Preparatory School, Our Lady of Mercy at ina­asahan pa ang ibang paa­aralan na maiipit sa mga rally na mag­dedeklara na rin ng walang pasok sa Lunes.

Kaugnay nito, sinabi na­man ni Marlex Cantor, media relations officer ng New Era University­ na walang kina­laman sa SONA ni PGMA ang pag­kawala nila ng pasok sa Lunes, Hulyo 27, dahil sa araw na ito ay gugunitain ng lahat ng kaanib sa buong mundo ang ika 95-taon nang pagkaka­tatag ng Iglesia Ni Cristo. (Angie dela Cruz)