Vendor, mekaniko todas sa riding-in-tandem

MANILA, Philippines – Dalawa katao ang nasawi matapos na atakehin ng kilabot na riding in tandem sa magka­hiwalay na pag-atake sa lung­sod ng Quezon, ayon sa ulat ng pulisya kahapon.

Ayon sa pulisya, unang na­sawi ang biktimang si Ro­lando Reyes, 37, vendor. Siya ay pi­nag­babaril ng nasabing grupo pasado alas-6:40 ng gabi habang naglalakad sa tapat ng Sto. Niño Church, Republic Ave., sa naturang lungsod.

Nagawa pang itakbo si Reyes sa may FEU Hospital subalit hindi na rin ito umabot pang buhay. Ilang oras ang lumipas muling napa-ulat ang pamamaril ng riding in tandem sa biktimang si Nathan Diapolat, mekaniko, 34 ng Brgy. Com­monwealth habang ang huli ay nakaupo sa kanyang motorsiklo ganap na alas- 8 ng gabi.

Dead-on-the-spot sa pi­nangyarihan ng insidente si Diapolat, habang mabilis na tumakas ang naturang mga suspek.

Lumilitaw sa pagsisiyasat ng awtoridad na makahalintulad ang estilo ng pagpatay ng mga suspek. (Ricky Tulipat)