Ika-4 na palaruan binuksan sa Maynila

MANILA, Philippines - Binuksan na kahapon sa publiko ang ikaapat na palaruan na itinayo ni Manila Mayor Alfredo Lim na ma­tatagpuan sa Quirino Ave­nue, Malate, Maynila.

Sa pagpapasinaya ka­ha­pon sa Plaza Azul, ka­sama ng alkalde sina City Engineer Armando Andres, Parks and Public Recreations Bureau Chief Engineer Deogracias Manimbo, Iglesia ni Cristo Head Deacon Rodolfo Orosco, Rev. Fr. Alexander Thomas at hepe ng Barangay Bureau na si Atty. Annalyn Buan.

Inaasahang mapapaki­na­b­angan ng mahihirap na kabataan ng Pandacan ang palaruan na may anim na slides o padulasan, apat na swing, dalawang seesaw at maze.

Mayroon ding shade areas­ para sa mga mata­tanda na nais mag-relax sa parke.

Plano rin ni Lim na lag­yan ito ng Gateball, isang golf-like game para sa mga senior citizen.

Una nang itinayo ang ibang playground sa Ba­seco, Plaza Morga at Vitas sa Tondo nang manung­ku­lan muli si Lim noong 2007. (Ludy Bermudo)