Rugby hindi na mabibili over the counter - PDEA

MANILA, Philippines - Dahil madaling makuha at nagiging sanhi para magamit bilang droga partikular ng mga kabataan, nagbabala ang Phi­lip­pine Drug Enforce­ment Agency (PDEA) na ang rugby o anumang kauri nito ay hindi na maaring makuha o mabili over the counter.

Ayon kay PDEA director general Senior Undersecre­tary Dionisio R. Santiago, aksyon nila ito bunga ng re­gulasyon ibinababa kamaka­ilan ng Dangerous Drug Board (DDB) na maaaring ipagbawal ang pag­bebenta ng rugby at iba pang produkto ng toluene based contact cement kung ito ay hindi na­haluan ng 5 por­siyento ng mustard oil.

Itinuring ng DDB na ang naturang mga kemikal bilang dangerous drugs sa pa­ma­ma­­gitan ng nasabing por­siyento na nagdedeter­mina kung ang varian ng TBCC ay masamang droga o hindi.

Iginiit ng PDEA bilang regulatory agency na kaila­ngan nilang imonitor ang mga iligal drugs at kailangan din nilang iimplement ang natu­rang regu­lasyon kahit pa may kahigpitan ito para lamang ma­­kontrol ang paglaganap ng malayang pag­bebenta nito sa mga tindahan.

Sabi pa ni Santiago sa pa­mamagitan nito matutugunan nila ang problema sa pagla­ga­nap ng solvent o rugby sa mga kal­sada partikular sa mga kaba­taan. Dahil anya ang pag­lalagay ng dagdag na mustard oil sa laman nito ay nagdu­dulot ng masamang amoy na nagi­ging sanhi upang hindi na ito singhutin pa.

Hinikayat din ng PDEA ang mga importers, exporters, manufacturers, distributors, retailers, end-users at hand­lers ng produktong TBCC na mag­sumite ng karampa­tang li­sensya sa kanila upang ma­kuha ang tamang pagpa­pa­tupad nito.