Smuts binalaan

MANILA, Philippines - Hinikayat ni Marikina Mayor Marides C. Fer­nando ang mga newsboy at vendors sa lunsod na huwag tangkilikin at gawing pagkakakitaan ang mga mala­laswang diyaryo o magazine.

Sa sulat na ipinalabas ni Fernando sa Newsboys and Vendors of Cainta, Marikina, Antipolo Asso­ciation, binalaan niya ang mga miyembro nito na aares­tuhin ng pulisya ang sinumang mahu­huling nag­bebenta ng mga malalaswang diyaryo tulad ng Sagad, Bomba, Hataw at Tiktik.

Ikinatuwiran ng Alkalde na maghahatid lang ng panganib sa mga kabataan ang mga nasabing ba­ba­sahin dahil namumulat ng maaga sa kalaswaan ang mga ito.

Ang nasabing kampanya ay sinuportahan naman ng mga kompanya ng pahayagan tulad ng Pilipino Star Ngayon Inc. kung saan layon nito na maghatid ng disente at makabuluhang babasahin sa masang Pilipino.