MANILA, Philippines – Dalawang saksak sa dibdib ang tinamo ng isang 40-anyos na lalaki na ikinasawi nito nang maka-dwelo ang kapitbahay na pinanooran ng telebisyon sa hindi pa batid na dahilan, kamakalawa ng gabi, sa Tondo Maynila.
Ang biktimang si Jorge Oliveros, ng F. Varona St., Tondo ay idineklarang dead on arrival sa Mary Johnston Hospital matapos isugod ng kanyang maybahay. Pinaghahanap naman ng pulisya ang suspek na si Bernabe Galito, 52, alyas “Popoy” fish vendor at kapitbahay ng biktima.
Sa ulat ng pulisya, dakong alas-10:50 ng gabi nang maganap ang insidente sa tapat ng bahay ng biktima. Nabatid na nakipanood ng TV ang biktima sa bahay ng suspek at nang matapos ang programang pinanonood ay lumabas na ito ng bahay ng suspect.
Sa hindi umano batid na dahilan, nakita na lamang na sumunod sa biktima ang suspek hanggang sa makitang nagtatalo ang dalawa na nauwi pa sa pagsusuntukan hanggang sa saksakin ng suspect ng dalawang ulit sa dibdib ang biktima.
Matapos ito ay mabilis na tumakas si Galito habang agad namang isinugod ng kanyang misis sa pagamutan ang bik tima pero hindi na rin umabot pang buhay.
Hindi naman malinaw kung ano ang motibo o dahilan sa pagpaslang. (Ludy Bermudo)