Nigerian tiklo sa human trafficking

MANILA, Philippines - Naharang ng Bureau of Im­migration (BI) ang tangkang human trafficking operation sa Diosdado Macapagal Interna­tional Airport (DMIA) matapos na hindi payagang makapasok sa bansa ang isang Nigerian na­tional dahil sa paggamit ng ka­hina-hinalang travel docu­ments. Sa kanyang ulat kay Immigration Commissioner Marcelino Libanan, sinabi ni Immigration Officer Heranio Manalo na ang dayuhan ay nakilalang si Stephen Micah Ogbulu, na dumating sa Clark airport sakay ng Air Asia flight mula sa Kuala Lumpur.

Nabatid na tampered ang passport ni Ogbulu kaya agad itong pinabalik sa Malaysia.

Ayon kay Libanan, gina­gamit na rin ng mga sindikato ng human trafficking ang Clark dahil isa na ito sa maituturing na busiest airport sa bansa.

Idinagdag pa nito na sa loob lamang ng kasalukuyang buwan umabot na sa anim na illegal aliens na dumating sa Clark ang naharang at di napa­yagang makapasok sa bansa. Mas naghigpit na rin umano ang mga immigration officers sa Clark para maharang ang mga undocumented overseas Fili­pino workers (OFWs) na nagpa­panggap na mga turista sa pupuntahang bansa. Karaniwan umanong desti­nas­yon ng mga hindi dokumen­tadong OFWs ay ang Macau, Singapore at Malaysia. (Gemma Amargo-Garcia at Ludy Bermudo)