LPG sumabog, 15 sugatan

MANILA, Philippines - Sugatan ang 15 katao ka­bilang ang dalawang bata ma­tapos sumingaw at sumabog ang dalawang tangke ng lique­fied petroleum gas (LPG) na gamit sa isang gotohan sa Ma­labon City kamakalawa ng gabi.

Sa nakalap na impormas­yon ang mga biktima ay isinu­god sa magkahiwalay na paga­mutan ay nagtamo ng 1st at 2nd degree burns sa iba’t ibang bahagi ng katawan.

Ayon sa ulat ng mga arson investigator, naganap ang insi­dente dakong alas-10 ng gabi sa isang lugawan na pag-aari ni Melanie Arrolado na mata­tagpuan sa # 121 Javier St., Brgy. Santulan, Malabon City .

Base sa paunang pagsisiya­sat, kasalukuyang nagpi-prito ng tokwa   si Arrolado nang bigla na lamang sumingaw at suma­bog ang LPG na gamit nito sa pagluluto. Dahil sa lakas ng pag­sabog ay nadamay ang mga kumakain sa gotohan habang ang mga batang sina John Francis Anthony Calajati, 4; at Gale Adrian Ramos, 3, anak ng mga trabahador sa gotohan ay na­sabugan din dahil kasama ang mga ito ng ka­nilang mga magu­lang habang nagtatrabaho. (Lordeth Bonilla)