Iskul sa Quezon City, binulabog ng bomb threat

MANILA, Philippines – Nagpanik ang mga estud­yante at guro ng Bagong Bantay Elementary School sa lungsod Quezon matapos na bulabugin ito ng magkasunod na bomb threats sa pamama­ gitan ng text messages ka­hapon ng umaga.

Sa pagkakagulo ng mga ka­bataan, napasugod sa na­sabing paaralan ang mga ma­gulang upang alamin ang kala­gayan ng kanilang mga anak.

Ayon sa ulat, ang text mes­sages ay natanggap ni Aileen Antonio, treasurer ng Parent Teachers Association (PTA) ganap na alas-6 ng umaga kung saan nakasaad ang katagang “gud am, may bomba jan sa school n’yo 6 na piraso. Bahala ka kung hindi mo sa­sabihin sa principal nyo ma­raming buhay ang mamamatay.”

Agad namang rumisponde ang operatiba ng Special Weapon and Tactics-Explosive Ordnance Division (SWAT-EOD) ng Quezon City Police sa pamumuno ng hepe nito na si Police Insp. Arnulfo Franco, at gina­lugad ang nasabing mga tanggapan ngunit makalipas ng halos isang oras ay negatibo ito kaya pinabalik na ang mga estudyante. (Ricky Tulipat)