MANILA, Philippines - Pinagsasaksak hanggang sa mapatay ang 26-anyos na jeepney barker ng dalawang kapwa nito barker kamakalawa ng gabi sa Makati City.
Patay na nang maisugod sa Pasay City General Hospital bunga ng dalawang tama ng saksak sa dibdib at braso si Diego Apita, ng 2394 Belarmino St., Bangkal, Makati. Kapwa naman tumakas ang mga suspek na ang isa rito’y kinilala lamang sa pangalang Alvin. Naganap ang insidente sa footbridge sa panulukan ng Evangelista at EDSA sa Bangkal.
Nagtatalo ang biktima at ang mga suspek kaugnay sa dinala nilang mga bagahe ng isang pasahero sa RJ Bus Terminal sa Malibay, Pasay City hanggang sa saksakin ang biktima. (Rose Tamayo-Tesoro)