Mga bangkay na sinimento sisisirin

MANILA, Philippines - Hinihinala ng National Capital Regional Police Office na may iba pang bangkay ng mga tao na pinaslang at isinimento sa loob ng drum bago itina­ pon sa dagat ang nagkalat sa ilalim ng Manila Bay.

Ito ang nabatid kaha­pon kay NCRPO Chief Supt. Roberto Rosales na nagsasabing baka may makuha pa silang mga bangkay sa kara­gatan ng Manila Bay sa tulong ng testigong si Manuel Mon­tero.

Si Montero ang nag­turo sa kinaroroonan ng bang­kay ni Ruby Rose Jimenez, ang matagal nang nawa­walang ka­patid ng dating beauty queen na si Rochelle Barrameda.

Kinumpirma pa ni Ro­sales na kasalukuyan pa nilang inaalam ang ulat na ang grupo nina Mon­tero at ng inaaaku­sahang mga fishing magnate na sina Manuel Jimenez 11, biye­nan ni Ruby Rose at uncle-in-law ng bik­ tima na si Lope Jime­nez na may mga pinas­lang pa at itinapon rin sa iba’t ibang kara­gatan ng bansa pati na sa bahagi ng Indonesia.

Bunga nito, nakatak­dang suyurin ng awtori­dad ang karagatan na pinaniniwalaang pinagta­punan sa mga biktima upang hanapin ang mga bangkay ng mga ito. (Rose Tamayo-Tesoro)