Babaeng sinimento sa drum, hinihinalang ang nawawalang utol ni Rochelle Barrameda

MANILA, Philippines – Masusing sinisiyasat ng pulisya kung ang nawawalang kapatid ni beauty queen/actress Rochelle Barrameda ang babaeng sinimento sa loob ng isang drum at saka iti­napon sa seawaters sa Navo­tas at natagpuan kahapon sa Navotas. 

Ayon kay National Capital Region Police Office chief, Supt. Roberto Rosales, ang bangkay ng nasabing babae ay isinilid sa drum at sini­mento para ’di matag­puan at manga­moy ang bangkay nito.

Aniya, ilang oras din binak­las ng pulisya ang naturang drum para makuha ang na­sabing babae na inaalam kung ito ang matagal ng na­wa­walang kapatid ni Barra­meda na si Ruby Jimenez, 26, kaya naman agad itong pina­tawag para kilalanin ang bangkay.

Sinabi ni Rosales na tinuro sa pulisya ng isang im­por­mante ang kinaroroonan ng bangkay sa dagat ng Na­vo­tas, kaya agad na nagsa­gawa ng dalawang linggong pagha­hanap ang pulisya sa pa­ngu­nguna ni Supt. Leo Fran­cisco ng Regional Police Intel­ligence and Operation Unit.

Sinasabing isa sa mga suspect ang sumuko na sa pulisya at inihayag ang kan­yang partisipasyon sa krimen.

Gumamit pa aniya ang pulisya ng forklift at iba pang heavy equipments para ma­buk­san ang drum at maisakay ito sa truck upang madala sa Camp Crame at maisailalim sa pagsusuri ng Crime Labo­ratory ng Philippine National Police.

Magugunita na nawala si Jimenez noong Marso 2007 at huling nakitang sakay ng kanyang Mitsubishi Gallant sa kanilang bahay sa Moon­walk Village, Las Piñas City pa­tu­ngo umano sa isang bangko. (Non Alquitran)