MANILA, Philippines – Isang hindi pa nakikilalang lalaki, na pinaniniwalaang magnanakaw ang nasawi matapos makuryente sa main panel board sa loob ng PNR compound sa Caloocan City kahapon.
Patay na nang makita ang biktima na nakasuot ng asul na t-shirt at maong na pantalon.
Sa imbestigasyon ni SPO1 Carlos Almario, alas-2 ng hapon, binuksan ng empleyadong si Ever Delfin, 27, ang main gate panel board distribution power sa Faundry Building sa PNR compound. Ilang sandali pa ay nakita naman nito ang nakahandusay na biktima at may palatandaan na nakuryente ito.
Ayon kay Alexander Guevarra, supervisor ng PNR, hindi nila empleyado ang biktima kung saan may hinala na pumasok ito upang magnakaw sa nasabing compound. (Lordeth Bonilla)