Ex-ba­rangay secretary pinatumba ni chairman

MANILA, Philippines - Binistay ng bala ang ulo ng isang dating barangay sec­ retary ng nagrorondang ba­rangay tanod, na sinasabing inutusan ng chairman ng ka­nilang ba­rangay, sa Tondo, Maynila, ka­makalawa ng gabi.

Ang biktima na idinekla­rang dead-on-arrival sa Tondo Me­dical Center ay kinilalang si Rogelio Maco, 56, ng   Katupa­ran Condominium, Vitas, Tondo sanhi ng tinamong mga tama ng bala sa ulo.

Mabilis na nakatakas ang suspek na kinilalang si Elton Santuile, alyas “Burdado”, 45, tanod ng Brgy. 101, Zone 8,  District 1, Tondo, Maynila.

Bukod naman kay San­tuile, agad namang inimbita­han sa Manila Police District-Homicide Section ang itinu­turong master­mind diumano na si Chairman Saturnino Grutas, alyas “Ar­thur”, 42, may asawa ng na­bang­git na ba­rangay at resi­dente rin sa Ka­tuparan Condo­minium.

Nabatid na isang saksi ang kaagad nagbigay ng testi­monya sa pulisya hinggil sa kinalaman umano ni Chairman Grutas sa naturang krimen.

Sa ulat ni SPO4 Virgilio Mar­tinez, may hawak ng kaso, naganap ang insidente da­kong alas-10 ng gabi sa tapat ng tinitirhan ng biktima.

Bago ang insidente, ang bik­tima at maybahay nito ay nag­tungo umano sa kapit­bahay at sinasabing nagpa-practice umano ng kanta para sa isasa­gawang rally.

Nang pauwi na sa kanilang bahay ang biktima ay nama­taan umano nito na nagro-ronda ang suspek.

Sa pa­ngamba na ka­alitan ang grupo ng suspek, pinigilan pa umano ng asawa ang bik­tima na huwag nang lumabas ng bahay subalit hindi nagpa­awat.

Habang nakatayo sa tapat ng bahay ang biktima ay ma­bilis na nilapitan ng suspek na ar­mado ng baril at ilang ulit na pinaputukan sa ulo.

Patuloy pa ang imbestigas­yon sa kaso na hinihinalang may kaugnayan sa awayan sa barangay o pulitika ang mo­tibo.

Samantala, ibinunyag din kahapon ng ilang constituent na ang barangay chairman nila ang may pakana sa pagpatay sa si­ni­bak na barangay sec­retary nito.

Sa nakalap na impormas­yon, ang suspek na si San­tuile, ay ‘hitman’ umano ni Chairman Grutas. Si Santuile umano ay ginawang tanod ni Grutas kahit residente ito ng Malabon City.

Bukod pa rito, ibinunyag din ng mga source na kinup­kop ni Grutas si Santuille kahit nagta­tago umano ito sa pagiging ‘wanted’ sa Malabon City.

 Nag-ugat umano ang alitan nang sibakin ni Grutas bilang secretary ng barangay ang biktima dahil sa pakiki­alam sa mga proyekto ng barangay.

Naghain naman umano ng kaso sa Office of the Ombuds­man ang biktima ng kaso laban kay Grutas at ang pag­bu­bunyag diumano ng kati­walian sa nasabing barangay at mga nalalaman nito.

Nang bumaba umano ang isang kautusan mula sa Om­budsman na nag-aatas kay Chairman Grutas na magpali­wa­nag, lalong nagalit ang huli at tinutukan ng baril ang bik­tima subalit naawat ito kamakailan.