Sekyu lasog sa 10-wheeler truck

MANILA, Philippines - Hindi na nakarating sa papasukang trabaho ang isang 37-anyos na security guard nang ma­sawi bunga ng pagka­basag ng bungo ma­ tapos mahagip at maka­ladkad ng 10-wheeler truck sa Sam­paloc, May­nila, ka­hapon ng ma­daling-araw.

Dead-on-the-spot ang biktimang si Joseph Cor­dero, security guard sa Perpetual Help Col­lege-Manila, at residente ng   Baltazar St., Sto. Tomas, Pasig City.

Siya ay nagmama­neho ng kanyang bisik­leta nang maganap ang insidente.

Sumurender naman ka­agad sa mga awto­ridad ang suspek at driver ng truck na si Rolando Dionisio, 35, ng Sto. Cristo, San Isidro, Nueva Ecija.

Ayon sa ulat, dakong alas-5:10 ng madaling- araw nang maganap ang insidente sa kanto ng S. Loyola St. at Lacson Ave­nue, Sampaloc, Maynila.

Nabatid na habang inililiko patungong kanan  ni Dionisio ang Isuzu ten- wheeler truck (RFZ 588) nang aksidenteng ma­hagip nito ang biktima na noon ay lulan ng kanyang bisikleta.

Nakaladkad ng ilang metro ang biktima hang­gang sa pumailalim sa truck na ikinabasag ng kanyang bungo.

Nabatid din na mag­du-duty umano sa na­sabing eskwelahan ang biktima ng maganap ang trahedya.

Inihahanda ang ka­ song reckless impru­dence resulting in homi­cide ang sumukong driver na nakapiit sa Manila Traffic Bureau. (Ludy Bermudo)