3 Tsinoy trader nilooban na, binugbog pa

MANILA, Philippines – Sugatan ang tatlong negos­yanteng Tsinoy, habang humi­git-kumulang naman sa P.3 milyong halaga ng RTWs ang natangay sa mga ito makara­ang pasukin ng apat na arma­dong holdaper ang kanilang bo­dega at bugbugin pa ang mga una, kahapon ng umaga sa Pasay City. Tatlo sa apat na bik­tima na kinilalang sina David Go, 38; Hong Qing Jiang, 55; at Jasper Go, 20, pawang resi­dente ng   Seafront Homes, Apelo Cruz Ext., Pasay ay pawang nilapa­tan ng lunas sa Pasay City Ge­neral Hospital bunga ng mga sugat, pasa at bukol sa kanilang katawan.

Batay sa ulat, dakong alas-10:15 ng umaga nang mangyari ang naturang insidente habang abala ang mga biktima sa pag-aayos ng panindang RTW sa   Aid Matic Compound, Apelo Cruz Ext., Pasay City. Apat na lalaki umano kasama ang ka­nilang helper na kinilala sa pa­ngalang Sonny Boy Armo­guella, ang unang pumasok sa bodega at hinakot ang mga RTW ng mga biktima.

Habang nasa aktong inila­labas sa bodega ang mga pa­ninda, nahuli naman ng mga biktima ang mga suspect na agad nilang tinangkang hara­ngin. Dahil nabuko ang ginaga­wang pagnanakaw, agad na pinagbubugbog ng mga sus­pect ang mga biktima saka nag­sitakas tangay ang mga nina­kaw na RTWs. (Rose Tamayo-Tesoro)