Nakawan sunud-sunod

MANILA, Philippines - Halos magkasabay na nilooban ang isang hotel room at isang oku­padong silid ng isang con­dominium sa Sam­paloc at Malate sa May­nila nitong nakalipas na Biyernes at Sabado, ayon sa ulat ng Manila Theft and Robbery Sec­tion kahapon.

Nabiktima ang isang 27-anyos na tourist guide na si Romyl Chris Lee na gumagamit sa Room 324 ng Soho Hotel sa M.H. del Pilar st., Malate.

Natuklasang nawa­wala na ang tatlong cell­phone at nakatagong p40,000 cash sa kan­yang silid.

Ikalawang nagrek­lamo ang isang Roderick Madninio, 38, na nilo­oban umano ang inu­okupahang Room 204 sa Loreto Condominium sa Sampaloc sa pagitan ng alas-8:30 ng gabi ng Biyernes.

Natangay umano ang P120,000 halaga ng kan­yang mga alahas at maha­halagang doku­mento tulad ng insurance policies at passports at ilang medalya. (Ludy Bermudo)