Chinese drug lord, 2 pa timbog sa P12-milyong drug bust

MANILA, Philippines - Isang pinaghihinala­ang Chinese big-time drug trafficker at dalawa nitong kasabwat ang na­sakote ng mga opera­tiba ng National Capital Region Police Office (NCRPO) kasunod ng pagkakasam­sam sa ti­na­tayang P12M halaga ng shabu sa drug-bust ope­rations sa Binondo, Manila.

Sinabi ni NCRPO di­rector Chief Supt. Ro­berto “Boysie” Rosales ang na­sakoteng Chinese drug dealer na si John Wu, alyas Andy, 36, naka-billet sa Manila Hotel.

Ang dalawa pa nitong ka­­sabwat ay nakilala na­mang sina Deron Teddy Mamao, alyas Ted, 34; at Mangundao Amir Hussin Ma­undas, 28; kapwa tu­bong-Ma­rawi City, Ma­guindanao.

Sinabi ni NCRPO-Regional Police Intel­ligence Operations Unit (RPIOU ) Chief, Supt. Leo Francisco, ang tat­long sus­pect ay nasakote ng ka­nilang mga opera­tiba   sa harapan ng isang fastfood chain sa kaha­baan ng Plaza Lorenzo Ruiz, Binondo, dakong alas-11 ng umaga kamakalawa.

Nasamsam sa tatlong suspect ang 2.3 kilo ng shabu, isang itim na Toyota Altis (XEX 166 ) at isang kulay abong Mitsu­bishi Outlander (ZTD- 339). Ang mga suspect ay ipinag­harap na ng ka­song pag­labag sa Sec­tion 5 at 11 ng Dan­ge­rous Drug Law ka­ugnay ng pagtu­tulak at posesyon ng illegal na droga sa Manila City Pro­secutor’s Office.