Ginang todas, pulis na anak sugatan sa riding-in-tandem

MANILA, Philippines – Isang ginang ang na­sawi habang sugatan naman ang anak na pulis, makaraang paulanan ng bala ng baril ng dalawang hindi pa nakikilalang mga suspek ang kanilang ba­hay sa Caloocan City kamakalawa.

Namatay habang gina­gamot sa Nodado Hospital sanhi ng tama ng bala si Remedios Llacona, 51, ng German Village, Bagong Silang ng lungsod na ito. Ino­obserbahan naman sa East Avenue Medical Cen­ter sanhi ng mga tama ng bala sa katawan si PO1 Rodolfo Llacona, 30, ng na­sabing lugar at naka­talaga sa Camp Crame. 

Sa ulat, alas-5:30 ng hapon, sakay ang mga sus­pek ng isang motor­siklong hindi na nakuha ang plaka at tuma­pat sa bahay ng mga biktima. Nagtanong pa ang mga suspek kung sino si Ro­dolfo at nang labasin ng mag-ina ay agad pi­nag­ba­baril ang mga ito.

Matapos ang insidente ay tumakas ang mga sus­pek habang dinala ang mag-ina sa mga nasabing ospital kung saan nagsa­sagawa na nang follow-up ang mga pulis upang ala­min ang motibo ng na­ sabing insidente. (Lordeth Bonilla)