13 Pulis sa MM sinibak

MANILA, Philippines – Dahilan sa kabiguang dumalo sa paglilitis ng korte sa drug case, 13 pulis na nakatalaga sa Metro Ma­nila ang ipinasibak ka­ha­pon ni Philippine Na­tional Police (PNP) Chief Di­rector General Jesus Verzosa.

Ayon kay PNP Spokes­man Chief Supt. Nicanor Bartolome, ito’y ma­tapos na maalarma si Verzosa sa pagkakadismis ng kaso ng mga naarestong drug traf­ficker dahilan lamang sa ka­­biguang dumalo sa pag­li­litis ng korte ng naturang mga pulis.

Kinilala ni Bartolome ang mga sinibak na sina PO3 Joel Sanchez, PO2 Rommel Bulanon, PO3 Leonardo Ramos, PO3 Teresita Reyes; pawang ng Quezon City Police District ; PO3 Perlito Obli­gacion, PO1 Garvin Mendi, PO1 Joseph Tedd Leonor, PO1 Arnel Templa, PO1 Gerald Lagos; mga kasapi naman ng Southern Police District (SPD) PO2 Dennis Adan, PO2 Noe Abrdo, PO2 Moises Ramos at PO1 Jay Angeles; mula sa Manila Police District (MPD).

Inihayag rin ni Barto­lome na sina SPO1 Robert Carino ng SPD ay na-de­mote o ibinaba ng ranggo. Ang nasabing statistics sa naturang mga pulis ay na­itala mula Abril 13-20, 2009 bilang bahagi ng pinalakas na kampanya ng PNP laban sa ilegal na droga at patuloy na monitoring sa mga kasong may kinala­man dito.

Nabatid na sa nasa­bing period ay nasa 20 ka­song kriminal ang naisam­pa ng PNP laban sa 23 pang mga pulis na nabi­gong dumalo sa paglilitis ng kaso alin­ sunod sa pina­iiral na Sec­tion 91 ng Re­public Act 9165 o ang Com­prehen­sive Drugs Act of 2002.

Ayon pa sa PNP Spokesman bukod sa kasong administratibo ay maha­harap rin sa kasong kriminal ang naturang mga pulis bunga ng kapaba­yaan sa pagtupad ng tungkulin. (Joy Cantos)