Binatilyo patay sa sagasa

MANILA, Philippines - Patay ang isang 16 -anyos na estudyante matapos na salpukin ng rumaragasang kotse sa Commonwealth Ave., sa lung­sod Quezon kahapon ng madaling-araw. Nakilala ang nasawi na si Jerico Merciales, ng Kasunduan St., Brgy. Common­wealth ng lunsod na ito. Nasa kustodiya naman ng pu­lisya ang nakabundol na driver na si Danilo Gozo, 25, nani­nirahan sa Casa Milan Subd., North Fairview. Sa ulat ng pulisya, nangyari ang insidente sa may kahabaan ng Common­wealth kanto ng Kasunduan St., sa naturang Brgy. ganap na alas-12:30 ng madaling-araw. Sinasabing sa halip na dumaan sa over­pass ay tumawid ang biktima sa kalsada dahilan upang mabundol ito ng minamanehong   Canter (TPS-194) ng suspek. Nagawa pang maisugod sa Gen. Malvar Hospital ang biktima ngunit idineklara din itong patay. (Ricky Tulipat)