Pagkustodya ni Lim kay Lozada, ibinasura ng korte

MANILA, Philippines - Ibinasura ni Metropolitan Trial Court Judge Jorge Em­manuel Lorredo ng Branch 26, ang alok ni Manila Mayor Alfredo Lim sa NBN-ZTE wit­ness Ro­dolfo “Jun” Lozada na ma­ipasa­ilalim sa kanyang kustodiya ang huli sa san­daling arestuhin kaugnay sa ka­song perjury na isi­nampa laban sa kanya ni dating Presidential Management Staff Mike Defensor.

Kasabay nito, agad na­mang nagpiyansa si Lozada matapos na i-deny ng korte ang kan­yang application for recogni­zance. Sa resolusyon ipinala­bas ni Lorredo, sinabi nito na nabigo si Lozada na maka­pag­pakita na may probis­yon sa rules of court na pumapayag na mapalaya siya sa ilalim ng kustodiya ni Lim.

“As correctly pointed out by the Public Prosecutor, accused failed to show any law or provision of the rules of court which allow him to be released under the custody of respon­sible person,” ayon pa sa re­solusyon ni Lorredo.

Magugunita na idinis­miss na ni Lorredo ang naturang perjury case ni Lozada, pero binaligtad ni MRTC Judge Cicero Ju­rado Jr., ng Branch 11, ang kanyang desisyon dahilan para maaku­sa­­hang guilty si Lozada sa kasong perjury na isinampa ni De­ fensor at labasan ito ng warrant.

Ang pagsasampa ng ka­song perjury kay Lozada ay nag-ugat sa testimonya umano nito sa Court of Ap­peals at Se­nado kaugnay sa kanyang nala­laman sa NBN-ZTE deal. (Doris Franche)